అతివేగంతో కారు ప్రయాణించడంతో ఒక్కసారిగా నియంత్రణ కోల్పోయి అదుపుతప్పి, హుస్సేన్ సాగర్ డివైడర్‌ను ఢీకొట్టి, రెయిలింగ్ మీదకు దూసుకెళ్లింది. ఈ క్రమంలో కారు హుస్సేన్ సాగర్‌లో పడిపోయే ప్రమాదం నుంచి తప్పించుకుంది. ఇక ప్రమాదం జరిగిన వెంటనే కారులో ఉన్న ఎయిర్ బ్యాగులు తెరుచుకోవడంతో అందులో ప్రయాణిస్తున్న ఇద్దరు ప్రాణాలతో బయటపడ్డారు.
ఈ ప్రమాదం జరిగిన వెంటనే అందులోని ప్రయాణికులు కారును వదిలేసి పారిపోయారు. ఈ ప్రమాద సమాచారం తెలుసుకున్న పోలీసులు... వెంటనే ఘటనా స్థలానికి చేరుకుని సహాయక చర్యలు చేపట్టారు. కానును తనిఖీ చేయగా, కారులో మద్యం బాటిళ్లను స్వాధీనం చేసుకున్నారు. ఇక మద్యం మత్తులో కారు నడిపి, ఈ ప్రమాదానికి కారణమైనట్టుగా పోలీసులు భావిస్తున్నారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
