దివంగత నటుడు, మగధీర షేర్ ఖాన్ పాత్రధారి, శ్రీహరి భార్య, స్పెషల్ సాంగ్స్ ద్వారా టాలీవుడ్, కోలీవుడ్లో తనకంటూ ప్రత్యేక గుర్తింపు సంపాదించిన నటి డిస్కో శాంతి ఆరోగ్యపరిస్థితి బాగాలేదని, క్రిటికల్గా ఉన్నట్లు మీడియాలో వస్తున్న రకరకాల వార్తలకు ఫుల్ స్టాప్ పెట్టింది. తాను ఆరోగ్యంగా ఉన్నానని, అవన్నీ పుకార్లని శాంతి కొట్టిపడేశారు.
చెన్నైలో డిస్కో శాంతి మీడియాతో మాట్లాడుతూ, తనపై సోషల్ మీడియాలో వస్తున్న వార్తల్లో వాస్తవం లేదన్నారు. పచ్చకామెర్ల కారణంగా అనారోగ్యం పాలైన విషయం వాస్తవమే అయినప్పటికీ, మీడియా పేర్కొంటున్నట్టు తన పరిస్థితి విషమంగా లేదని చెప్పారు.