ప్రముఖ దర్శకుడు రాజమౌళి భారీ బడ్జెట్ మూవీ బాహుబలిపై అంచనాలు అమాంతంగా పెరిగిపోతున్నాయి. సినిమా షూటింగ్ ప్రారంభం నుంచి ఇప్పటిదాకా టాలీవుడ్ ప్రేక్షకులే కాకుండా దేశ వ్యాప్తంగా బాహుబలి సినిమాపై వివిధ అంశాలపై జోరుగా చర్చలు జరుగుతున్నాయి. సినిమా రిలీజ్ విషయాన్ని పక్కనబెడితే రాజమౌళి ప్రస్తుతం ఆ సినిమాలో నటించే అగ్ర నటుల పోస్టర్లను విడుదల చేయడం అభిమానుల్లో ఆసక్తి రేకెత్తిస్తోంది.
ఇప్పటికే ప్రభాస్, అనుష్క, రమ్యకృష్ణ, ప్రభాకర్‌ల లుక్‌ను రిలీజ్ చేసిన రాజమౌళి బుధవారం బాహుబలిలో నాజర్ పోస్టర్‌ను రిలీజ్ చేశారు. ఈ పోస్టర్ నాజర్ లుక్ అదిరిపోయిందని ఇప్పటికే ట్వీట్స్ ద్వారా రాజమౌళికి అభినందనలు లభించాయి. ఈ నేపథ్యంలో నాజర్ పోస్టర్‌తో పాటు రాజమౌళి The character of #Bijjaladeva #Pingalathevan has been portrayed with so much insight by Nasser garu that,it has become my personal favourite అంటూ ట్వీట్ చేశారు.
