తమిళ నటుడు ప్రసన్నను వివాహం చేసుకున్న తర్వాత స్నేహ అడపాదడపా తెలుగు, తమిళ సినిమాల్లో నటిస్తోంది. ఇటీవల ప్రకాష్ రాజ్ దర్శకత్వం వహించిన 'ఉలవచారు బిర్యానీ' సినిమాలో కూడా నటించింది. అయితే, ఆ సినిమా బాక్సాఫీసు వద్ద విజయం సాధించలేదు.
మరోవైపు మీడియా తన మీద లేనిపోని వార్తలు ప్రచారం చేస్తోందని స్నేహ వాపోతోంది, స్నేహ ప్రస్తుతం ప్రెగ్నెంట్ అంటూ కోలీవుడ్లో వార్తలు ఒక్కసారిగా గుప్పుమన్నాయి. అంతేకాదు, వచ్చే ఏడాది మొదటి భాగంలో అమ్మడికి డెలివరీ డేట్ కూడా ఇచ్చారంటూ రాసేశారు.
దీంతో స్నేహ చాలా అప్సెట్ అయింది. ఇప్పుడు తాను ప్రెగ్నెంట్ కానని పేర్కొంది. ప్రస్తుతం వైవాహిక జీవితాన్ని బాగా ఎంజాయ్ చేస్తున్నాననీ, అప్పుడే పిల్లల్ని కనే ఉద్దేశం కూడా లేదనీ చెప్పింది. ఇలా అనవసరమైన వార్తలు ప్రచారం చేయద్దని స్నేహ వేడుకుంటోంది.