ఈ సందర్భంగా ఆమె మీడియాతో మాట్లాడుతూ పెళ్లి ప్రస్తావన తెచ్చింది. "ఇప్పుడు నా కొడుకులిద్దరూ పెద్దాళ్లయి వారి వారి జీవితాలలో స్థిరపడ్డారు. దాంతో నేను ఒంటరి నయ్యాను. అందుకే, ఇప్పుడు నా జీవితం గురించి ఆలోచించుకోవాలి. మరోసారి పెళ్లి చేసుకోవాలని వుంది. అందులో తప్పేమీ లేదు కదా?" అంటూ ప్రశ్నించింది.
దర్శక నిర్మాత సంజయ్ ఖాన్తో చాలా కాలం కలసి జీవించిన జీనత్, 1985లో నటుడు, దర్శకనిర్మాత మజర్ ఖాన్ను వివాహమాడింది. ఇద్దరు పిల్లలు పుట్టిన అనంతరం భర్తతో విభేదాలు తలెత్తడంతో ఆయనకు విడాకులిచ్చింది. తర్వాత మజాల్ అనారోగ్యంతో మరణించాడు.