నా అందానికి చాలా మంది కుర్రాళ్లు డంగై పోయారని టాలీవుడ్ హీరోయిన్ హరిప్రియ చెపుతోంది. తాను కాలేజీ చదివే రోజుల్లో ప్రేమించమని చాలా మంది కుర్రాళ్లు వెంటపడ్డారు. నేనూ చాలా స్ట్రిక్ట్. అందుకే ఎవరికీ ఓకే చెప్పలేదు. ఎందుకంటే అపుడు నాది ప్రేమించే వయస్సు కాదని అంటోంది ఈ ముద్దుగుమ్మ.
అంతేకాకుండా, తాను ఇపుడే పెళ్లి చేసుకునేది లేదని తెగేసి చెపుతోంది. ముందుగా ఆ.. అనుభవం పూర్తయ్యాకే పెళ్లికి సిగ్నల్ చెప్తానని అంటుంది. ఇంతకీ ఆ అనుభవం అంటే.. ప్రేమ అనుభవమట. తనకు నచ్చిన వ్యక్తితో ప్రేమ పాఠాలు పూర్తయ్యాకే పెళ్లి పీటలు ఎక్కుతానంటోంది.
ప్రేమించుకోవడం ద్వారా ఒకరినొకరు బాగా అర్థం చేసుకుంటారు, ఎదుటివారి ఇష్టాలు, అభిప్రాయాలు, అభిరుచులు తెలుసుకునే వీలుంటుంది. ఇలా చేయడం ద్వారా వైవాహిక జీవితం సాఫీగా సాగుతుందనేది నా నమ్మకం అని అంటోంది హరిప్రియ. అలాగనీ.. తాను పెద్దలు కుదిర్చిన పెళ్లికి వ్యతిరేకం కాదన్నారు. అంతేకాకుండా.. కెరీర్‌లో స్థిరపడిన తర్వాతే ప్రేమ, పెళ్ళి గురించి ఆలోచిస్తానంటోంది.
