బేబీ సినిమాతో టాలీవుడ్ ఎంట్రీ ఇచ్చిన ఈ క్యూటీ మంచి రెస్పాన్స్ అందుకుంది. ఆనంద్ దేవరకొండ, వైష్ణవి చైతన్య జంటగా నటించిన బేబీ సినిమా థియేటర్లలో సక్సెస్ ఫుల్‌గా రన్ అవుతూ సినీ ప్రేక్షకుల హృదయాలను కొల్లగొడుతోంది.
ఇటీవల ఒక ఇంటర్వ్యూలో, వైష్ణవి చైతన్య బేబీలో రొమాంటిక్ సన్నివేశాలు, పడకగది సన్నివేశాలు చేయడానికి గల కారణాలను వివరించింది. దర్శకుడు సాయి రాజేష్ తన పాత్ర గురించి, క్యారెక్టర్‌కి సంబంధించిన బెడ్‌రూమ్ సన్నివేశాల గురించి చెప్పినప్పుడు భయపడ్డానని చెప్పింది.
దర్శకుడు సాయి రాజేష్ కథానాయిక స్వభావం, ఆమె తీసుకున్న నిర్ణయాలకు గల కారణాలను వివరంగా చెప్పడంతో ఆ సీన్ చేసే ధైర్యం వచ్చిందని వైష్ణవి చెప్పింది. అలాంటి సీన్ చేస్తానని తల్లిదండ్రులకు ముందే చెప్పానని, వారు ఒప్పుకుంటేనే సిద్ధమయ్యానని తెలిపింది.
