కాగా, ఈ చిత్రం మే 5వ తేదీన విడుదల కానుంది. ఈ చిత్రంలో అవసరాల శ్రీనివాస్, సుప్రియ, తేజస్వి, మిశ్తీ చక్రవర్తి, శ్రీముఖి ప్రధాన పాత్రల్లో నటిచారు. మరోవైపు ఈ చిత్రం ప్రమోషన్ కార్యక్రమాలకు శ్రీముఖి డుమ్మా కొడుతూ దర్శనిర్మాతలకు బాగా హ్యాండిస్తోందట.
ఈ సినిమాలో మరో ఇద్దరు హీరోయిన్లు ఉన్నప్పటికీ శ్రీముఖి పేరుతోనే పబ్లిసిటీ చేయాలని భావిస్తోందట చిత్ర బృందం. ఈ సినిమాలో శ్రీముఖిది ఇంపార్టెంట్‌ రోల్‌. కానీ, నిడివి తక్కువ. అయినా సరే ఆమె ఫోటోలను పబ్లిసిటీకి వాడుకోవాలని ప్లాన్‌ వేసింది సినిమా యూనిట్‌. అయితే శ్రీముఖి స్టిల్స్‌ ఏవీ వారికి అందుబాటులో లేవట. దానికి కారణం సినిమా షూటింగ్ తర్వాత శ్రీముఖి వారికి అందుబాటులో లేకపోవడమే.
ఇతర హీరోయిన్లతోపాటే శ్రీముఖికి కూడా స్పెషల్‌ ఫోటో షూట్‌ ఎరేంజ్‌ చేసిందట చిత్రబృందం. అయితే ఆ కార్యక్రమానికి కూడా శ్రీముఖి డుమ్మా కొట్టిందట. వచ్చే నెల చివరి వరకు శ్రీముఖి ఫుల్‌ బిజీగా ఉండడం వల్ల ఆ ఫోటో షూట్‌కు శ్రీముఖి రాలేదట. దీంతో చేసేది లేక ఇతర హీరోయిన్ల ఫోటోలతోనే పబ్లిసిటీ చేస్తోందట సినిమా యూనిట్‌.
