అలా మొదలైంది సినిమాతో తెలుగు సినీరంగంలో అడుగుపెట్టింది మలయాళ భామ నిత్యామీనన్. ముద్దుగా..బొద్దుగా ఉండే నిత్యామీనన్ మొదటగా బాలనటిగా నటించి ఆ తరువాత హీరోయిన్ అయ్యింది. తక్కువ కాలంలోనే తెలుగు, తమిళ, మలయాళ ఇండస్ట్రీలో చాలా బిజీగా మారిపోయింది. నటనలో తనకంటూ ఒక ప్రత్యేక శైలిని ఏర్పరచుకున్న హీరోయిన్ నిత్య. అంతే కాదు సెకండ్ హీరోయిన్ గా చాలా సినిమాల్లో నటించి మెప్పించింది.
అలాంటి నిత్యామీనన్ హవా రోజురోజుకు తగ్గిపోతూ వస్తోంది. ప్రస్తుతం ఆమె చేతిలో సినిమాలు లేకపోవడంతో ఆమె పరిస్థితి చాలా దారుణంగా తయారైందని సినీవర్గాలు చెబుతున్నాయి. నిత్యామీనన్ కెరీర్ అర్థాంతరంగా ఆగిపోవడానికి ఆమెకు తగిన పాత్రలు లేకపోవడమేనట. తనకు సూటయ్యే పాత్రలు తప్ప అస్సలు ఎక్స్‌పోజింగ్ చేయనని చెప్పడమే నిత్యకు పెద్ద మైనస్ అట. అందుకే నిత్యామీనన్ అంటే డైరెక్టర్లు అస్సలు ఇంట్రస్ట్ చూపడం లేదట.
