పెళ్ళి. ఇది ఒక బోర్. నా స్నేహితులు కొంతమంది పెళ్లిళ్లు చేసుకుని ఎందుకు చేసుకున్నామా అని బాధపడుతున్నారు. మొదటి సంవత్సరం హనీమూన్ అని బాగా ఎంజాయ్ చేస్తారు. రెండవ సంవత్సరం ఫ్రెండ్స్‌లా ఉంటారు. మూడు, నాలుగు సంవత్సరాల్లో పిల్లలు పుడతారు. ఇక వారిని చూసుకోవడమే సరిపోతుంది. ఇదంతా బోర్. ఒకరితో పడుకుని జీవితాంతం గడపడం కన్నా సహజీవనం చేయడం ఎంతో మేలు.
సుప్రీంకోర్టు సహజీవనాన్ని తప్పుబట్టేలేదు. నేను అయితే అదే చేస్తాను. ఇష్టమొచ్చినవాడితో డేటింగ్ చేస్తా. ఆ తరువాత బోర్ కొడితే వదిలేస్తాను. అంతేగానీ పెళ్ళి, గిళ్లి అని మాత్రం నేను చేసుకోను అని తెగేసి చెబుతోంది గాయత్రి. సినిమాలు చేతిలో లేకపోయినా గాయత్రి తాజాగా చేసిన వ్యాఖ్యలు సినీపరిశ్రమలో చర్చకు దారితీస్తోంది.
