మైనింగ్ కింగ్ కర్ణాటక మాజీ మంత్రి గాలి జనార్ధన్ రెడ్డి కుమారుడు హీరో కానున్నాడట. గతంలో గాలి జనార్ధన్ రెడ్డి తన కుమార్తె వివాహం ఆహ్వానం పలికేందుకు ఓ వీడియోను రూపొందించిన సంగతి తెలిసిందే. ఆ వీడియోలో గాలి జనార్ధన్ రెడ్డి, ఆమె సతీమణి, ఆయన కుమారుడు, కుమార్తె, అల్లుడు కనిపించి అద్భుతంగా ఆహ్వానం పలికారు. పెళ్ళికూడా ఎంతో అంగరంగ వైభవంగా చేశారు.
తన కుమార్తె పెళ్లికి గాలి కొడుకు డ్యాన్స్‌తో అదరగొట్టాడు. సినిమాలో నటించేందుకు కిరీటి రెడ్డి కూడా ఆసక్తి చూపడంతో.. మంచి దర్శకుడితో అతనిని వెండితెరపై చూపించాలని గాలి అనుకుంటున్నారు. వచ్చే ఏడాదికే తన కొడుకును ప్రేక్షకులకు హీరోగా పరిచయం చేస్తూ గాలి జనార్ధన్ రెడ్డి సినిమాను నిర్మించనున్నారని టాక్ వస్తోంది. ఈ గ్యాప్‌లో కిరీటి కూడా నటనలో మంచి శిక్షణ పొందడానికి ప్లాన్ వేసుకున్నట్లు తెలిసింది.
