''ఏక్ నిరంజన్'' చిత్రంతో తెలుగు తెరకు పరిచయం అయినా బాలీవుడ్ భామ కంగనా రనౌత్. ఆ తర్వాత బాలీవుడ్ చిత్రం ''క్వీన్''లో నటించి మంచి పేరుని సంపాదించుకుంది. కాగా ఇటీవల స్వచ్ఛ భారత్ అభియాన్ షార్ట్ ఫిలిం ప్రారంభ కార్యక్రమంలో తన గురించి కొన్ని షాకింగ్ నిజాలు చెప్పి అందరిని అబ్బురపరిచింది. పసిడి మేనిఛాయతో మెరిసిపోయే కంగనా రనౌత్‌కి అప్పట్లో స్నానం చేయాలంటే మహా చిరాకట.
రోజూ స్నానం చేయాలంటే చాలా బద్దకంగా ఫీలయ్యేదట. సోమరితనంతో తను చాలా బద్ధకంగా జీవితాన్ని గడిపేదట. ఈ ముద్దుగుమ్మ ఆరోగ్యం గురించి అస్సలు పట్టించుకునేది కాదట. ఆ సమయంలో మంచి స్నేహితులు ఉండేవారు కాదని, తనకిష్టమైన అవకాశాలు రాలేదని తెలిపింది. అయితే, ఇలాంటి పరిస్థితుల్లోంచే చాలా విషయాలు నేర్చుకున్నానని, వేదాంతం చదివానని, స్వామి వివేకానంద మార్గాన్ని అనుసరించడం మొదలుపెట్టాక పరిశుభ్రత అవసరం తెలిసొచ్చిందని తన మనసులోని మాటను బయటపెట్టింది,
