అలనాటి హీరోయిన్ సావిత్రి జీవితంపై తెరకెక్కిస్తున్న చిత్రం "మహానటి". అయితే ఈ సినిమాలో సావిత్రి క్యారెక్టర్‌లో కీర్తి సురేష్ నటిస్తుండగా, సమంత, దుల్కర్ సల్మాన్, ప్రకాష్ రాజ్ ప్రధాన పాత్రల్లో నటిస్తున్నారు. ఇప్పటివరకైతే ఈ సినిమాకు సంబంధించిన ఫస్ట్ లుక్‌ను మాత్రం విడుదల చేయలేదు. దీంతో సావిత్రిగా కీర్తి ఎలా కనిపించనున్నారో అన్న విషయంపై ఆసక్తి నెలకొంది.
వైజయంతి మూవీస్‌ పతాకంపై ప్రియాంకా దత్‌ ఈ చిత్రాన్ని నిర్మిస్తున్నారు. తెలుగు, తమిళం, మలయాళ భాషల్లో చిత్రాన్ని తెరకెక్కిస్తున్నారు. విజయ్‌ దేవరకొండ, షాలిని పాండే, ప్రగ్యా జైశ్వాల్‌ కూడా ఈ చిత్రంలో కీలక పాత్రల్లో కనిపించనున్నారు.
