''భారత్'' అనే సినిమాలో బాలీవుడ్ కండల వీరుడు సల్మాన్ ఖాన్ హీరోగా నటిస్తున్నాడు. ఈ చిత్రానికి అబ్బాస్ జాఫర్ దర్శకత్వం వహిస్తున్నాడు. ఈ సినిమాలో ప్రియాంక చోప్రా కథానాయికగా ఎంపిక చేశారు. కానీ ప్రియాంక చోప్రా నిక్ జోనాస్‌తో వివాహం కారణంగా ఈ ప్రాజెక్టు నుంచి తప్పుకుందట. ఈ విషయాన్ని సల్మాన్ ఖాన్‌కు ప్రియాంక చోప్రా చెప్పిందట. దీంతో ఈ ప్రాజెక్టులో ప్రియాంక స్థానంలో కత్రినా కైఫ్ నటిస్తున్నారు.
ఈ చిత్రానికి ప్రియాంకను కథానాయికగా తీసుకోమని డైరెక్టర్ అబ్బాస్‌కు చెప్పారట సల్మాన్. ఈ సినిమా ఛాన్స్ కోసం ప్రియాంక ఆయన చెల్లెలకు వెయ్యి సార్లు కాల్ చేశారట. గోవాలో జరిగిన ఒక కార్యక్రమంలో ఈ విషయంపై కొందరు సల్మాన్‌ను ప్రశ్నించగా ఆయన సమాధానం ఇచ్చారు. ఈ ప్రాజెక్ట్ నుండి తప్పుకోవడం ప్రియాంకకు ఇష్టంలేదు. ఎందుకంటే ఆమె ఈ సినిమాలో నటించడం కోసం చాలా ఆసక్తి చూపించారు.
డైరెక్టర్‌కు కూడా కాల్ చేసి ఈ ప్రాజెక్ట్‌కు తనను తీసుకోవాలని కోరారు. తనతో నటించేందుకు తన చెల్లి అర్పితా ఖాన్‌కు వెయ్యిసార్లకు పైగా ఫోన్ చేశారని చెప్పారు. అయితే ప్రస్తుతం నిక్ నిశ్చితార్థం జరిగిపోవడంతో పెళ్లి, హనీమూన్ కోసం ఈ ప్రాజెక్టు నుంచి ప్రియాంక తప్పుకోవాల్సి వచ్చిందని టాక్ వస్తోంది.
