''అర్జున్ రెడ్డి''కి తర్వాత మహానటి మరో హిట్‌ను తన ఖాతాలో వేసుకున్న హీరో విజయ్ దేవరకొండ.. ట్యాక్సీవాలాగా తెరపైకి రానున్నాడు. ఈ చిత్రం ద్వారా రాహుల్ సాంకృత్యాన్ దర్శకుడిగా పరిచయం అవుతున్నాడు. ప్రస్తుతం పోస్ట్ ప్రొడక్షన్ పనుల్లో వున్న ఈ సినిమాను జూన్ 15 లేదా 22వ తేదీన రిలీజ్ చేసేందుకు సినీ యూనిట్ సిద్ధమవుతోంది.
ప్రియాంక జవాల్కర్, మాళవిక నాయర్ కథానాయికలుగా నటించిన ఈ సినిమాకు స్క్రీన్‌ప్లే, మాటలను సాయికుమార్ రెడ్డి అందించారు. జీఏ2 పిక్చర్స్, యు.వి.క్రియేష‌న్స్‌ సంయుక్తంగా ఈ చిత్రాన్ని నిర్మిస్తున్నాయి. ఎస్కేఎన్ నిర్మాత.
