ఈ సినిమాలో పీకే, ఎమ్మెస్, ఎన్‌బీ, టీఎస్‌, నలుగురు పిల్లలు, ఎనిమిది బర్రెలు, ఆర్జీవీతో పాటు ఓ రష్యన్ మహిళ కూడా ఉంటుందని ఆయన ఇప్పటికే ప్రకటించారు. ఈ నేపథ్యంలో ఈ రష్యన్ మహిళకు సంబంధించిన పోస్టర్‌ను ఆయన శనివారం విడుదల చేశారు.
కాగా, 'పవర్ స్టార్' పేరిట తీస్తోన్న ఈ సినిమా లోగోలో వర్మ జనసేన పార్టీ గుర్తు గ్లాసు, ఆ పార్టీ అధినేత పవన్ కల్యాణ్ చదివే పుస్తకాలను వాడుతోన్న సంగతి తెలిసిందే. వీటిని గొప్ప నైపుణ్యాలున్న క్రియేటివ్ సైకో డిజైన్‌ చేశాడని ఆర్జీవి చెప్పారు. కృష్ణ కార్తీక్ అనే యువకుడు ఈ పోస్టర్లను రూపొందించాడు. వాటిని తన సామాజిక మాధ్యమాల్లోనూ పోస్ట్ చేస్తున్నాడు.
