పవర్ స్టార్ నుంచి పవరొమాంటిక్ పోస్టర్.. సోషల్ మీడియాలో వైరల్ (Video)

శనివారం, 11 జులై 2020 (15:11 IST)
pawan kalyan
వివాదాస్పద దర్శకుడు రామ్‌ గోపాల్ వర్మ తాజాగా ''పవర్ స్టార్'' అనే సినిమాను రూపొందిస్తున్న సంగతి తెలిసిందే. ఈ సినిమాకు సంబంధించిన పోస్టర్లు ప్రస్తుతం నెట్టింట వైరల్ అవుతున్నాయి. పవర్ స్టార్ సినిమా నుంచి 'పవరొమాంటిక్' అనే పోస్టర్ని ఆర్జీవి ట్విట్టర్ ఖాతాలో పోస్టు చేశారు.
 
ఈ సినిమాలో పీకే, ఎమ్మెస్, ఎన్‌బీ, టీఎస్‌, నలుగురు పిల్లలు, ఎనిమిది బర్రెలు, ఆర్జీవీతో పాటు ఓ రష్యన్ మహిళ కూడా ఉంటుందని ఆయన ఇప్పటికే ప్రకటించారు. ఈ నేపథ్యంలో ఈ రష్యన్ మహిళకు సంబంధించిన పోస్టర్‌ను ఆయన శనివారం విడుదల చేశారు.  
కాగా, 'పవర్ స్టార్' పేరిట తీస్తోన్న ఈ సినిమా లోగోలో వర్మ జనసేన పార్టీ గుర్తు గ్లాసు, ఆ పార్టీ అధినేత పవన్ కల్యాణ్ చదివే పుస్తకాలను వాడుతోన్న సంగతి తెలిసిందే. వీటిని గొప్ప నైపుణ్యాలున్న క్రియేటివ్ సైకో డిజైన్‌ చేశాడని ఆర్జీవి చెప్పారు. కృష్ణ కార్తీక్ అనే యువకుడు ఈ పోస్టర్లను రూపొందించాడు. వాటిని తన సామాజిక మాధ్యమాల్లోనూ పోస్ట్ చేస్తున్నాడు.
 

వెబ్దునియా పై చదవండి

సంబంధిత వార్తలు