తెలుగు సినీ హీరో అబ్బాస్.. సినీ ప్రేక్షకులకు గుర్తుండే ఉంటుంది. సూపర్ హిట్ మూవీ 'ప్రేమదేశం'తో సినిమాతో ఎంట్రీ ఇచ్చి ఓవర్ నైట్ స్టార్ అయిపోయారు. ఆ సినిమా భారీ విజయం సాధించడంతో పలు చిత్రాల్లో హీరోగా నటించారు. అలాగే, తెలుగు, తమిళ చిత్రాల్లో సెకండ్ హీరో, క్యారెక్టర్ ఆర్టిస్టుగా కూడా నటించారు.
'ఆస్పత్రిలో ఉన్నపుడు ఎక్కువగా ఆందోళన చెందాను. కొంచెం భయం కూడా వేసింది. నా భయాలను పోగొట్టుకోవడానికి ప్రయత్నించాను. నా మనస్సును దృఢంగా ఉంచుకోవడానికి చాలా ట్రై చేశాను. నాకు సర్జరీ జరిగింది. ప్రస్తుతం బాగానే ఉన్నాను. త్వరగా ఇంటికి వెళ్లాలి అనుకుంటున్నాను. మీ ప్రేమ, ప్రార్థనలు నాకు సపోర్టుగా ఉన్నాయి' అని పేర్కొన్నాడు. అయితే, ఆయనకు ఎందుకు సర్జరీ జరిగిందో వివరించలేదు.
