పవన్ లుక్, టైటిల్ పేరుతో కూడిన పోస్టర్‌ను ఆ సినిమా యూనిట్ సోషల్ మీడియాలో సోమవారం పోస్టు చేసింది. సినిమా కూడా సంక్రాంతి కానుకగా జనవరి 10వ తేదీన విడుదల చేయనున్నట్లు పోస్టర్లో వుంది. ఈ లుక్‌లో పవన్ స్మార్ట్‌గా కనిపించాడు.
చేతిలో ఐటీ ఐడీ కార్టు పెట్టుకుని సోఫాపై కాలు పెట్టుకుని కూర్చున్న పవన్ చాలా కూల్‌గా కనిపిస్తున్నాడు. ఇందులో హీరోయిన్‌గా నటించే కీర్తి సురేష్ కూడా తన డబ్బింగ్ పనులు పూర్తయ్యాయంటూ ఓ ఫోటోను నెట్లో పోస్ట్ చేసింది. ఇకపోతే.. పవన్ కల్యాణ్ రెండో ట్విట్టర్ అకౌంట్ ఓపెన్ చేశారు. పికె క్రియేటివ్ వర్క్స్ పేరిట మరో కొత్త ట్విట్టర్ అక్కౌంట్ స్టార్ట్ చేస్తున్నట్లు ప్రకటించారు.
