భారతీయ చిత్ర పరిశ్రమలో ఏ హీరోకి, ఏ స్టార్ నటుడికి సాధ్యం కాని రికార్డు పవర్ స్టార్ పవన్ కల్యాణ్ సొంతమవుతోంది. కాటమరాయుడు తర్వాత కొత్తగా తీయనున్న సినిమాకు 40 రోజుల షూటింగుకు గాను 40 కోట్ల రూపాయల రెమ్యునరేషన్‌ను పవన్ సొంతం చేసుకుంటున్నారు. అంటే సింగిల్ డే కాల్షీట్కి కోటి రూపాయలన్నమాట.
అయితే ఈ సంస్థ 40 రోజుల్లో పవన్ కొత్ సినిమా షూటింగ్ పూర్తి చేయాల్సిందే. తాజా సమాచారం ఏమిటంటే మైత్రి మూవీస్ ఈ డీల్ కుదుర్చుకోగానే పవన్ తాను ఎఎం రత్నంతో తీయనున్న సినిమాను వెనక్కు నెట్టేశారు. మైత్రీ మూవీ మేకర్స్ తన కొత్త సినిమాకు సంతోష్ శ్రీనివాస్‌ను దర్శకుడిగా తీసుకున్నారు. త్రివిక్రమ్ శ్రీనివాస్‌తో తీస్తున్న చిత్రం పూర్తయినాక సెప్టెంబర్ నుంచి మైత్రీ మూవీమేకర్స్ తమ చిత్రం షూటింగును ప్రారంభించనున్నారని సమాచారం.
పూర్తికాలం రాజకీయాల్లోకి దుమికే ముందు ఎంత వీలైతే అంత డబ్బును సంపాదించి రిజర్వ్‌లో పెట్టుకోవడమే లక్ష్యంగా పవన్ వావులు కదుపుతున్నారు దీంట్లో భాగంగానే కాటమరాయుడు తర్వాత మరో రెండు సినిమాలను డిసెంబర్ లోపే పవన్ పూర్తి చేయనున్నారు. దీనిద్వారా మొత్తం 150 నుంచి 200 కోట్ల రూపాయలు పవన్ ఖాతాలోకి వెళతాయని భావిస్తున్నారు.
