స్టైలిష్ స్టార్ అల్లు అర్జున్ తాజాగా 'దువ్వాడ జగన్నాథమ్‌'(డీజే) చిత్రంలో నటిస్తున్నారు. పూజా హెగ్డే హీరోయిన్‌గా నటిస్తున్న ఈ చిత్రానికి దేవిశ్రీ ప్రసాద్‌ సంగీతం సమకూరుస్తున్నారు. శ్రీవెంకటేశ్వర క్రియేషన్స్‌ పతాకంపై దిల్‌రాజు చిత్రాన్ని నిర్మిస్తున్నారు. తాజాగా అల్లు అర్జున్ ఫేస్‌బుక్‌లో ఒక చూడచక్కని ఫోటోను షేర్ చేశారు. బన్నీ తన బుల్లి వారసులు అల్లు అయాన్‌ను ముద్దుగా ఒళ్ళో కూర్చోబెట్టుకుని చాలా సంతోషంగా అందులో కనిపించారు.
మరి ఇంత చక్కటి ఫొటోను తమ అభిమాన నటుడు షేర్ చేశాక అభిమానులు ఆగుతారా... వరుసబెట్టి కామెంట్స్‌, లైక్స్‌తో తమ భావాల్ని బయటపెట్టారు. బన్నీ తన ఫేస్‌బుక్‌లో ఫొటోను షేర్ చేసిన 12 గంటల్లోనే లక్ష యాభైవేల మంది లైక్‌ చేశారు, 463 మంది కామెంట్స్‌ చేశారు.
