బిగ్ బాస్ 2 సీజన్ ప్రారంభం అయ్యే ముందే హోస్ట్ నాని చెప్పనే చెప్పాడు. అదే... ఏదైనా జరగొచ్చు అని. ఇప్పుడు చూస్తుంటే నిజంగానే ఏదైనా జరగొచ్చు అన్నట్లుగా పరిస్థితి తయారవుతోంది. సినిమాల్లో డబుల్ మీనింగులు ఓ లెవల్లో వుంటుంటాయి. కానీ బుల్లి తెరపై వచ్చే ఈ షోలో కూడా ఇలాంటి డైలాగులా అని బుల్లితెర ప్రేక్షకులు బెదురుతున్నారు.
నిన్న జూన్ 19న జరిగిన బిగ్ బాస్ ఇంటిలో మున‌గ‌కాడ కూరను చేసింది తేజ‌స్వీ. ఈ కూరపైన తేజూ-భానుల మధ్య హాటెస్ట్ చర్చ జరిగింది. అదేంటంటే... అమిత్, రోల్ రైడా ఒక‌రినొక‌రు కౌగిలించుకొని వుండటాన్ని చూపించిన భాను తేజస్వితో నీ మున‌గ‌కాడ కూర ఎఫెక్ట్ మాములుగా లేదమ్మో. నీ మున‌గ‌కాడ కూర ఎఫెక్ట్‌తో వాళ్లిద్ద‌రు ఏం చేస్తున్నారో చూడు అనేసింది. పైగా అదోరకంగా బిగ్గరగానూ నవ్వేసింది.
