మెగా పవర్ స్టార్ రామ్ చరణ్ చిత్రంలో బిగ్ బాస్-2 విజేతగా నిలిచిన కౌశల్‌కు అవకాశం దక్కనుందనే ప్రచారం జోరుగాసాగుతోంది. ప్రస్తుతం బోయపాటి శ్రీను దర్శకత్వంలో చెర్రీ యాక్షన్ చిత్రంలో నటిస్తున్న విషయం తెల్సిందే. ఈ చిత్రంలో కియారా అద్వానీ నటిస్తోంది. ఈ చిత్రంలో కౌశల్ కీలక పాత్రలో నటించే అవకాశం దక్కించుకున్నట్లు ఫిలిం వర్గాలు అంటున్నాయి.
ప్రస్తుతం ఈ సినిమా చిత్రీకరణ యూరప్‌లోని అజర్‌బైజాన్‌లో జరుగుతోంది. ఈ చిత్రానికి తన తండ్రి చిరంజీవి నటించిన సూపర్‌హిట్‌ చిత్రం 'స్టేట్‌ రౌడీ' పేరును టైటిల్‌గా పరిశీలిస్తున్నారట. డీవీవీ ఎంటర్‌టైన్‌మెంట్స్‌ బ్యానర్‌పై దానయ్య ఈ చిత్రానికి నిర్మాతగా వ్యవహరిస్తున్నారు. సంక్రాంతికి సినిమాను ప్రేక్షకుల ముందుకు తీసుకురానున్నారు.
