బాలీవుడ్ సినీ ఇండస్ట్రీలో పెళ్లిళ్లు విడాకులు మామూలే. ఐతే వయసు తేడాతో పెళ్లిళ్లు చేసుకోవడం అక్కడ చాలా కామన్. ఐతే ఆ తేడా మహా అయితే 10 నుంచి 15 వరకూ వుండేది. కానీ బాలీవుడ్ విలన్ పాత్రల్లో నటించే కబీర్ బేడీ మాత్రం తనకంటే 29 ఏళ్ల చిన్నదైన యువతిని పెళ్లాడి షాక్‌కు గురి చేశాడు. అది కూడా నాలుగో వివాహం. ఇతడికి ప్రస్తుతం 72 ఏళ్లు.
ఇతడి వివాహం పరంపరం చూస్తే... కబీర్ బేడీ మొదటిసారి ప్రతిమ అనే మహిళతో వివాహమైంది. వీరికి పూజాబేడీతో పాటు మరో కుమారుడు కలిగారు. ఆ తర్వాత ఆమెను వదిలేసి బ్రిటీష్ యువతి సుసాన్ హమఫ్రాజ్ ను పెళ్లాడాడు. వీరికి ఆడమ్ అనే అబ్బాయి పుట్టాడు. ఇక ఆ తర్వాత ముచ్చటగా మూడోపెళ్లి టీవీ నిర్మాత నిక్కీ బేడీని వివాహం చేసుకున్నాడు.
