ఇటీవ‌ల క‌రోనా సెకండ్‌వేవ్ హైద‌రాబాద్‌లోనూ వ్యాపించింది. సినీప్ర‌ముఖుల‌కు క‌రోనా పాజిటివ్ కూడా వ‌చ్చింది. ముఖ్యంగా మెగాస్టార్ చిరంజీవి సినిమా `ఆచార్య` షూటింగ్‌కు ఆ సెగ త‌గిలింది. వారం క్రితం సోనూసూద్ ఆ సినిమా షూటింగ్ నిమిత్తం సైకిల్‌పై కోకాపేట వెళ్ళారు. ఆ మ‌రుస‌టిరోజు త‌న‌కు పాజిటివ్ వ‌చ్చింద‌ని ఆయ‌న ప్ర‌క‌టించారు. ఆ త‌ర్వాత సినీప‌రిశ్ర‌మ‌లో ఆచార్య సినిమా షూటింగ్ బ్రేక్ ప‌డింద‌ని వార్తలు వ‌చ్చాయి. ఆ త‌ర్వాత రోజు కూడా షూటింగ్ య‌థావిధిగా జ‌రిగింది. ప‌రిమిత స‌భ్యులు, టెక్నీషియ‌న్స్ ఆధ్వ‌ర్యంలో కీలక స‌న్నివేశాలు చిత్రీక‌రించారు. కాగా, సోమ‌వారంనాడు కోకాపేటలో ఆచార్య సెట్ బోసిబోయింది. ఈ విష‌యమై చుట్టుప‌క్క‌ల‌వారి స‌మాచారం మేర‌కు షూటింగ్ క‌రోనా వ‌ల్ల బ్రేక్ ప‌డింద‌ని తెలియ‌జేశారు.
