హోలీ పండుగపై తాను చేసిన వివాదాస్పద వ్యాఖ్యలపై బాలీవుడ్ నటి దియా మీర్జా వివరణ ఇచ్చింది. ఓ వైపు కరువుతో రైతులు ఆత్మహత్యలకు పాల్పడుతుంటే.. కొందరేమో హోలీ అంటూ నీటిని వృధా చేస్తున్నారని దియా మీర్జా అన్నారు. అంతేగాకుండా అలాంటి ప్రాంతంలో మనం నివసిస్తున్నాం.. ఇలా అంటున్నందుకు తనను హిందూ వ్యతిరేకి అనండి అంటూ దియా మీర్జా ట్వీట్ చేశారు.
ఇంకా దియా మీర్జా మాట్సాడుతూ.. తనకు అన్ని మతాలు, ఆచారాలు, పండుగల మీద విశ్వాసం ఉంది. ఓ వర్గం మనోభావాలను కించపరచాలనే ఉద్దేశం ఎంత మాత్రం లేదని చెప్పింది. నీటి కొరత కారణంగా మహారాష్ట్రలో రైతులు ఎంత తీవ్రమైన కష్టాలను ఎదుర్కొన్నారో అందరికీ తెలుసునని వివరించింది.