ఇదే తరహాలో ప్రస్తుతం మూడో పెళ్లి చేసుకున్న ప్రముఖ నటుడు విజయ్ కుమార్ కూతురు వనితకు సేమ్ సీన్ రిపీట్ అయ్యింది. ఫిలింమేకర్ పీటర్ పాల్‌ను క్రైస్తవ సంప్రదాయం ప్రకారం వివాహం చేసుకుంది. పీటర్ పాల్‌కు గతంలోనే వివాహమైంది. ఇప్పుడు పీటర్ పాల్ మొదటి భార్య ఎలిజబెత్ చెన్నై, వడపళని పోలీసులకు ఫిర్యాదు చేసింది.
తన నుంచి విడాకులు తీసుకోకుండానే మరో పెళ్లి చేసుకున్నాడని, పీటర్ పాల్‌పై చర్యలు తీసుకోవాలని తన ఫిర్యాదులో కోరింది. తమకు ఇద్దరు పిల్లలు ఉన్నారని, తాము గత ఏడేళ్లుగా వేర్వేరుగా ఉంటున్నామని వెల్లడించింది.
కాగా, నటి వనిత విజయ్ కుమార్‌కు గతంలో ఆకాశ్, ఆనంద్ జే రాజన్‌లతో వివాహాలు జరిగాయి. కొంతకాలం రాబర్ట్ అనే వ్యక్తితోనూ డేటింగ్ చేసినట్టు ప్రచారం జరిగింది. అంతేకాదు, తన తండ్రి విజయ్ కుమార్‌తో ఆస్తి వివాదాల్లోనూ ఆమె పేరు ఎక్కువగా వినిపించింది. ప్రస్తుతం ఈ వివాదాలను పక్కనబెట్టి ముచ్చటగా మూడో పెళ్లి చేసుకున్నా.. వనితకు పీటర్ మొదటి భార్యతో తలనొప్పి తప్పేలా లేదు.
