ఇదిలావుంటే చాలా సంవత్సరాల తర్వాత చిరంజీవి, బాలకృష్ణ చిత్రాలు సంక్రాంతి బరిలో పోటీ పడుతున్నాయి. చిరంజీవి 'ఖైదీ నంబర్ 150'గా వస్తుంటే బాలకృష్ణ 'గౌతమిపుత్ర శాతకర్ణి'గా రానున్నారు. ఈ రెండు చిత్రాల టీజర్, ట్రైలర్లు ఇప్పటికే ఇండస్ట్రీ రికార్డులను తిరగరాస్తున్నాయి. దీంతో ఈ సంక్రాంతి తెలగు ఫిల్మ్ ఇండస్ట్రీకి ఎంతో ప్రత్యేకమైంది.
అయితే, 'గౌతమిపుత్రశాతకర్ణి' మూవీ థియోట్రికల్ ట్రైలర్‌కి అదిరిపోయే స్పందన వచ్చింది. ఒక్క రోజులోనే ఈ మూవీ 3 మిలియన్ వ్యూస్‌ని అందుకుంది. ఇప్పటివరకు సాధించిన యూట్యూబ్ రికార్డ్స్‌లలో 'గౌతమిపుత్రశాతకర్ణి' మూవీనే టాప్ పొజిషన్‌లో ఉంది.
బాలకృష్ణతో ఇతర హీరోలు నువ్వానేనా అని పోటీ పడుతున్నప్పటికీ... నందమూరి హీరోలు మాత్రం బాగా వెనుకబడి పోతున్నారని చెప్పొచ్చు. ముఖ్యంగా.. బాలకృష్ణకు సరైన పోటీగా ఉన్న జూనియర్ ఎన్టీఆర్ సైతం ఇటీవలి కాలంలో బాగా వెనుకబడి పోయాడు. ఈ హీరో తీసిని పలు చిత్రాలు బాక్సాఫీస్ వద్ద బోల్తాకొట్టాయి. ఇది నందమూరి ఫ్యాన్స్‌ను తీవ్ర నిరాశకు లోను చేసింది.
