గుణశేఖర్ రుద్రమదేవి సినిమా తెరకెక్కించడం.. ఆ సినిమా విజయం సాధించడం తెలిసిందే. ఈ సినిమా తర్వాత గుణశేఖర్... హిరణ్యకశ్యప అనే సినిమా చేయనున్నట్టు ప్రకటించారు. ఇది తన డ్రీమ్ ప్రాజెక్ట్ అని.. ఈ మూవీని అత్యంత ప్రతిష్టాత్మకంగా రూపొందించనున్నట్టు చెప్పారు. ఇది చెప్పి చాలా రోజులు కాదు కాదు సంవత్సరాలు అయ్యింది కానీ.. దీనికి సంబంధించి అప్‌డేట్ రాలేదు.
ఈ మూవీని దగ్గుబాటి రానాతో గుణశేఖర్ తెరకెక్కించనున్నారు. దాదాపు 200 కోట్ల భారీ బడ్జెట్‌తో రూపొందే ఈ సినిమాని సురేష్‌ ప్రొడక్షన్స్, హాలీవుడ్ సంస్థతో కలిసి సంయుక్తంగా నిర్మించనున్నారు. రానాతో పాటు నటించే మిగిలిన నటీనటులు ఎవరు..? సురేష్‌ ప్రొడక్షన్స్‌తో పాటు కలిసి నిర్మించే హాలీవుడ్ నిర్మాణ సంస్థ ఏది..? అనేది త్వరలోనే తెలియనుంది.
