'అమ్మ రాజ్యంలో కడప బిడ్డలు' అనే చిత్రం విడుదలకు హైకోర్టు తేరుకోలేని షాకిచ్చింది. పైగా, ఈ చిత్రం విడుదలకు హైకోర్టు నో చెప్పింది. అంతేకాకుండా, వివాదాస్పద డైలాగులు వచ్చిన చోటు మ్యూట్ చేస్తామని చిత్ర యూనిట్ చెప్పినా కోర్టు అంగీకరించలేదు.
ఈ వివరాలను పరిశీలిస్తే, టాలీవుడ్ వివాదాస్పద దర్శకుడు రాంగోపాల్ వర్మ స్వీయ దర్శకత్వంలో నిర్మించిన చిత్రం అమ్మ రాజ్యంలో కడప బిడ్డలు. ఈ చిత్రం ప్రివ్యూను ప్రిలిమినరీ కమిటీ చూసి, విడుదల సర్టిఫికేట్ ఇచ్చేందుకు నిరాకరించింది.
సినిమాపై అటు సెన్సార్ బోర్డు, ఇటు చిత్ర యూనిట్ కౌంటర్ దాఖలు చేసిన విషయం తెలిసిందే. సినిమాలో అభ్యంతరకర సన్నివేశాలు తీసేశామని కోర్టుకు చిత్ర బృందం తెలిపగా... అయితే అభ్యంతరకర సన్నివేశాలు తీసి వేసినట్టు ఎక్కడా లేదని... కేవలం మ్యూట్‌లో ఉంచారని మాత్రమే కౌంటర్‌లో పేర్కొన్నారని హైకోర్టు తెలిపింది.
