ఈ చిత్రం కేవలం రెండు తెలుగు రాష్ట్రాలలోనేకాకుండా, కర్ణాటక .. అమెరికాలో కూడా సినిమా భారీ వసూళ్లు రాబడుతోంది. ఎన్టీఆర్ కెరియర్‌లోనే అత్యధిక వసూళ్లను రాబట్టిన చిత్రంగా ఇది నిలిచింది. ఈ నేపథ్యంలో ఈ సినిమా విజయోత్సవ వేడుకను నిర్వహించడానికి రంగాన్ని సిద్ధం చేస్తున్నారు.
బుధవారం సాయంత్రం 6 గంటలకు హైదరాబాద్‌లోని జె.ఆర్.సి. కన్వెన్షన్ సెంటర్‌లో ఈ కార్యక్రమాన్ని నిర్వహిస్తున్నారు. దర్శకుడు కొరటాల శివ .. ఎన్టీఆర్.. సమంతా.. నిత్యామీనన్‌తో పాటు టీమ్ లోని ఇతర సభ్యులు ఈ వేడుకలో పాల్గొననున్నారు. ఈ విజయోత్సవ వేడుకకి అభిమానులు పెద్ద సంఖ్యలో తరలి రానున్నారు. ఇందుకోసం భారీ ఏర్పాట్లు కూడా చేస్తున్నారు.
