భారత సినీ ఖ్యాతిని మరో స్థాయికి తీసుకెళ్లిన మూవీ బాహుబలి. టాలీవుడ్ టాప్ డైరెక్టర్ ఎస్ఎస్ రాజమౌళి తీసిన 'బహుబలి ది బిగినింగ్' రెండో భాగం బాహుబలి2 మూవీ కోసం తెలుగు ప్రేక్షకులతో పాటు ఇండస్ట్రీకి చెందిన ప్రముఖులు ఎంతో ఆసక్తిగా ఎదురుచూస్తున్నారు. ఈ మూవీ ట్రైలర్పై మ్యూజిక్ డైరెక్టర్ కల్యాణరమణ (కల్యాణి మాలిక్) స్పందించారు.
బాహుబలి ఫస్ట్ పార్ట్ తరహాలోనే రెండో పార్ట్ కు సంబంధించిన పోస్టర్లను మూవీ యూనిట్ విడుదల చేస్తూ ప్రేక్షకులలో ఎంతో ఆసక్తిని పెంచుతోంది. అయితే వచ్చే నెలలో విడుదలకానున్న బాహుబలి2 ట్రైలర్ పై మాత్రం సస్పెన్స్ ఇంకా కొనసాగుతూనే ఉంది. అన్నపూర్ణ స్టూడియోస్ లో బాహుబలి 2 ట్రైలర్ పై వర్క్ జరుగుతున్న విషయం తెలిసిందే.