ఇటీవల కన్నుమూసిన గానగంధర్వుడు ఎస్.పి. బాలసుబ్రహ్మణ్యంకు భారతరత్న పురస్కారం ఇచ్చి గౌరవించాలని కోరుతూ ప్రధాని నరేంద్ర మోడీకి ఆంధ్రప్రదేశ్ రాష్ట్ర ముఖ్యమంత్రి వైఎస్. జగన్మోహన్ రెడ్డి ఓ లేఖ రాశారు. దీనిపై విశ్వనటుడు కమల్ హాసన్ స్పందించారు. మీ వినతి చాలా గౌరవప్రదమైనది సీఎం జగన్ గారూ అంటూ వ్యాఖ్యానించారు.
కాగా, ఐదు దశాబ్దాలుగా కోట్లాది మంది అభిమానులను తన సుమధురగానంతో అలరించిన ఎస్పీ బాలసుబ్రహ్మణ్యం ఈ నెల 25వ తేదీ శుక్రవారం శాశ్వతనిద్రలోకి జారుకున్న విషయం తెల్సిందే. తన జీవిత కాలంలో 16 భాషల్లో దాదాపు 40 వేలకు పైగా పాటలను పాడారు. ప్రపంచంలో ఇన్ని పాటలను మరెవరూ పాడలేదు.
