బాలుడుపై అత్యాచారం జరిపిన బాలీవుడ్ హీరోయిన్ హెయిర్‌స్టైలిస్ట్

వివాదాలకు కేరాఫ్‌గా మారిన కంగనా రనౌత్ మరోమారు వార్తలకెక్కింది. ఆమె వ్యక్తిగత హెయిర్‌స్టైలిష్ట్ ఓ బాలుడుపై అత్యాచారం చేశాడు. దీంతోఆయన్ను పోలీసులు ఆయన్ను అదుపులోకి తీసుకున్నారు.

కంగనా హెయిర్‌స్టైలిస్ట్‌గా వ్య‌వ‌హ‌రించే బ్రెండ‌న్ అటెస్ట‌ర్ డిగీ(42) ఆమెతో పాటే ఉన్నాడు. అయితే ఓ బాలుడిని డిగీ అత్యాచారం చేసాడ‌ని తెలుసుకున్న పోలీసులు షూటింగ్ స్పాట్‌కి వెళ్లి అత‌డిని అదుపులోకి తీసుకున్నారు.

ఓ ప‌ద‌హారేళ్ళ బాలుడు ఓ డేటింగ్ యాప్ ద్వారా పురుష సెల‌బ్రిటీల‌తో రిలేష‌న్స్ పెట్టుకుంటూ వ‌స్తున్నాడు. ఇది గ‌మ‌నించిన అత‌ని త‌ల్లి .. తన కుమారుడితో సంబంధాలు ఉన్న 8 మంది వ్యక్తులపై పోలీసులకు ఫిర్యాదు చేసింది. 

వీరిలో బ్రెండన్ కూడా ఉండటంతో పోలీసులు అతన్ని అరెస్ట్ చేశారు. బ్రెండన్‌పై పోక్సో చట్టం కింద కేసు నమోదు చేసిన‌ట్టు తెలుస్తుంది. అక్టోబర్ 3 వరకు ఆయనను కోర్టు రిమాండ్‌కు తరలించినట్టు పోలీసులు తెలిపారు. దక్షిణాఫ్రికాకు చెందిన బ్రెండన్... కంగ‌నాతో పాటు పలువురు బాలీవుడ్ సెలబ్రిటీలకు హెయిర్ స్టయిలిస్ట్‌గా వ్యవహరిస్తున్నాడు.