బాహుబలి 2 సినిమాతో రాజమౌళి రేంజ్ పూర్తిగా మారిపోయింది. భారత సినిమా కమర్షియల్ హద్దులు చెరిగిపోయేలా.. ఈ దశాబ్ధపు అత్యుత్తమ దర్శకుడిగా రాజమౌళి పేరు తెచ్చుకున్నాడు. ఈ మాటను చెప్పింది ఎవరో కాదు.. బాలీవుడ్ దర్శకుడు నిర్మాత కరణ్ జోహార్. బాహుబలి సినిమాను బాలీవుడ్‌లో తన బ్యానర్‌పై రిలీజ్ చేస్తున్న కరణ్, సినిమాను సినిమాకు పని చేసిన యూనిట్ సభ్యులను ప్రశంసలతో ముంచెత్తాడు.
తాజాగా ఐటి శాఖామంత్రి కేటీఆర్ తన ట్విట్టర్‌లో బాహుబలి 2 సినిమాను ఉద్దేశించి పొగడ్తలు కురిపించారు. ఒక చలన చిత్ర ప్రేమికుడిగా సుదీర్ఘ కాలంలో ఇలాంటి మాయాజాలం చూడలేదు. బాహుబలి2 విలక్షణమైన చిత్రం అంటూ కేటీఆర్ అన్నారు. ఈ ట్వీట్‌కి సమాధానంగా రానా, రాజమౌళి కృతజ్ఞతలు తెలిపారు.
