మీ టూలో భాగంగా.. యాక్షన్ కింగ్ అర్జున్ తనపట్ల అసభ్యంగా ప్రవర్తించారని నటి శ్రుతి హరిహరణ్‌ ఆరోపించిన సంగతి తెలిసిందే. దీనిపై అర్జున్ స్పందించారు. శ్రుతి ఆరోపణలు విని షాక్ తిన్నానని చెప్పింది. ఈ ఆరోపణలను జీర్ణించుకోలేకపోయానని, ఆమె చేసిన వ్యాఖ్యలతో తాను నిజంగానే తప్పు చేశానని అనుకుంటారు.
తాను కూడా మంచి సలహాలు ఇస్తే పాటిస్తారు. కురుక్షేత్రం చిత్రంలో రొమాంటిక్‌ సన్నివేశాలు చాలా ఉన్నాయి. అవి సౌకర్యంగా లేవని తాను ఒప్పుకోలేదు. అలాంటి సన్నివేశాలు కచ్చితంగా ఉండాలంటే ప్రాజెక్ట్‌ నుంచి తప్పుకుంటానని ముందే చెప్పా. నిజంగానే తనపై శ్రుతికి కోపం ఉంటే ప్రమోషన్‌లో తనను ఎందుకు ప్రశంసించారు?, ఇప్పుడెందుకు ఇలా మాట్లాడుతున్నారు అంటూ ఆరోపణలు చేశారు. ఆమె ఆరోపణల వెనుక ఎవరైనా ఉన్నారా? అని అర్జున్ ప్రశ్నించారు.
ఇకపోతే.. అర్జున్‌పై వస్తోన్న ఆరోపణలపై ఆయన కుమార్తె ఐశ్వర్య కూడా నోరు విప్పారు. ఇన్నేళ్ల జీవితంలో మా నాన్న పబ్‌కి వెళ్లడం తానెప్పుడూ చూడలేదు. అలాంటిది ఆమెను రిసార్ట్‌కు ఎలా రమ్మంటారు? అని ప్రశ్నించారు. ఒక వ్యక్తికి ఇష్టం లేకుండా వారి పట్ల దురుసుగా, అసభ్యంగా ప్రవర్తిస్తే దాన్ని 'మీ టూ' అంటారు. కానీ శ్రుతి చేస్తున్న ఆరోపణల్లో నాకు ఆ విషయం ఎక్కడా కనిపించడం లేదు' అని ఐశ్వర్య మండిపడ్డారు.
ఇప్పుడీ వివాదం కన్నడ చిత్ర పరిశ్రమలలో పెద్ద దుమారాన్నే రేపుతోంది. శ్రుతి హరిహరణ్‌పై సర్వత్రా విమర్శలు వినిపిస్తున్నాయి. ఆమె క్షమాపణలు తెలపాలని అర్జున్ కుటుంబ సభ్యులు, అభిమానులు డిమాండ్‌ చేస్తున్నారు. ఇదిలా ఉంటే, ఆమెకు అర్జున్ క్షమాపణలు చెప్పాలని ప్రకాష్‌ రాజ్‌ కోరారు. మరికొందరు ఆమెకు మద్దతుగా నిలుస్తున్నారు.
