నంద‌మూరి బాల‌కృష్ణ న‌టించిన ప్రతిష్టాత్మక 100వ చిత్రాన్ని కేవ‌లం 79 రోజుల్లో తీసి, అంద‌రి నుంచీ ద‌ర్శకుడు క్రిష్ ప్రశంసలు అందుకుంటున్న విష‌యం తెలిసిందే. ఆయ‌న‌ను దర్శకధీరుడు రాజ‌మౌళి కూడా ఎంత‌గానో అభినందించారు. ఓ కార్యక్రమంలో క్రిష్ మాట్లాడుతూ... ఈ సినిమా విడుద‌లైన అనంత‌రం త‌నతో రాజ‌మౌళి మాట్లాడుతూ 79 రోజుల్లో శాత‌క‌ర్ణిని ఎలా తీశావ‌ని అడిగారని, దానికి నేను ‘బాహుబలిని కట్టప్ప ఎందుకు చంపాడో చెప్పండి? చెబుతా’ అని స‌ర‌దాగా అన్నాన‌ని చెప్పారు.
‘గౌత‌మి పుత్ర శాతకర్ణి’ చిత్రానికి కొన్ని చానెళ్లు, పేపర్లు ఫోర్ స్టార్ రేటింగులు ఇచ్చాయ‌ని, ఎంతో బాగుంద‌ని అంద‌రూ మెచ్చుకున్నార‌ని ఇది తనకు ఎంతో సంతృప్తినిచ్చిందన్నారు. ఈ సినిమా విజువ‌ల్ వండ‌ర్ గురించి ప‌లువురు ప్రముఖులు ప్రశంసించార‌ని, ఈ సినిమా కథ, రచన అన్ని అంశాల‌ను మెచ్చుకుంటున్నార‌ని చెప్పారు.
