పూరి జగన్నాథ్, విజయ్ దేవరకొండ కాంబినేషన్‌లో వచ్చిన తాజా చిత్రం "లైగర్". ఈ నెల 25వ తేదీన ప్రపంచ వ్యాప్తంగా పాన్ ఇండియా మూవీగా విడుదలైంది. తొలి రోజున రికార్డు స్థాయిలో కలెక్షన్లు రాబట్టింది. అయితే, ఈ చిత్రానికి వచ్చిన నెగెటివ్ కారణంగా రెండో రోజు నుంచి కలెక్షన్లు దారుణంగా పడిపోయాయి. తొలి రోజు దాదాపు 33 కోట్ల రూపాయల మేరకు కలెక్షన్లు రాబట్టిన లైగర్.. మూడో రోజు వచ్చేసరికి ఇవి రూ.7.5 కోట్లకే పరిమితమయ్యాయి.
పూరి జగన్నాథ్ దర్శకత్వం వహించిన ఈ సినిమాలో విజయ్ దేవరకొండ, అనన్యపాండే, మైక్ టైసన్, రమ్యకృష్ణ ప్రధాన పాత్రధారులుగా ఉండడం తెలిసిందే. కథనం, స్క్రీన్ ప్లే, పాత్రలు మెప్పించేవిగా లేకపోవడం సినిమాకు పెద్ద డ్రాబ్యాక్‌గా తెలుస్తోంది. సినిమా వసూళ్లు ఇక పుంజుకోకపోవచ్చని విశ్లేషకులు అంచనా వేస్తున్నారు.
