స్వాతంత్ర్య దినోత్సవాన్ని పురస్కరించుకుని.. పలు సినిమాల ఫస్టు లుక్స్ విడుదలయ్యాయి. దీంతో సినీ ప్రేక్షకులు పండగ చేసుకుంటున్నారు. ఆగస్టు 15న ఎన్టీఆర్ అరవింద సమేత ట్రైలర్, రవితేజ అమిర్ అక్బర్ ఆంటోనీ ఫస్ట్ లుక్, వరుణ్ తేజ్ అంతరిక్షం ఫస్ట్ లుక్స్ విడుదలయ్యాయి. ఈ సినిమాలతో పాటు క్రిష్ దర్శకత్వం వహించే మణికర్ణిక సినిమా ఫస్ట్ లుక్ కూడా విడుదలైంది.
గౌతమిపుత్ర శాతకర్ణి వంటి చారిత్రక సినిమాను తెరకెక్కించి విమర్శకుల ప్రశంసలు అందుకున్న దర్శకుడు క్రిష్, తాజాగా కంగనా ప్రధాన పాత్రధారిగా ఝాన్సీ లక్ష్మీబాయి జీవిత చరిత్రను మణికర్ణికగా రూపొందిస్తున్నాడు. ఝాన్సీ లక్ష్మీబాయి పుట్టినప్పటి పేరు మణికర్ణికను ఈ మూవీ టైటిల్‌గా ఫిక్స్ చేసారు. రాజమౌళి తండ్రి విజయేంద్రప్రసాద్ ఈ మూవీకి కథా సహకారం అందించారు.
