‘భలే భలే మగాడివోయ్’ సినిమాతో లావణ్య త్రిపాఠికి మంచి మార్కులు వచ్చేశాయి. నాలుగు సినిమాలతో ఫ్లాప్లో ఉన్న ఈ భామకు.. మారుతి హిట్ ఇచ్చాడు. ప్రస్తుతం వరుస పెట్టి యంగ్ హీరోల సినిమాలన్నీ ఖాతాలో వేసుకుంటోంది. ‘సోగ్గాడే చిన్ని నాయనా’ చిత్రంతో ఈ భామ అక్కినేని కాంపౌడ్లో అడుగు పెట్టింది. అక్కడ ఆరంభంతో లావణ్యకు ఘనస్వాగతం లభించింది. ఆ క్రమంలో సోగ్గాడే పెద్ద హిట్. తాజాగా ఆ కాంపౌండ్ నుంచే మరో యూత్ఫుల్ ఆఫర్ పట్టేసింది.
నాగచైతన్య హీరోగా కల్యాణ్ కృష్ణ దర్శకత్వంలో తెరకెక్కనున్న సినిమాలో అందాల రాక్షసి సెకండ్ హీరోయిన్గా ఎంపిక చేశారు. ఇప్పటికే మెయిన్ రోల్లో రకుల్ ప్రీత్ ఫైనల్ అయిన సంగతి తెలిసిందే. స్టోరీ డిమాండ్ మేరకు లావణ్యను తీసుకున్నారు. దర్శకుడు హిట్టు హీరోయిన్ అన్న సెంటిమెంట్ను ఫాలో అయ్యాడని కూడా వార్తలు వస్తున్నాయి.