ఇటీవల మూడుముళ్ళబంధంతో ఒక్కటైన దీపిక పదుకొనే, రణ్వీర్ సింగ్‌లు ముంబైకు చేరుకున్నారు. వీరిద్దరి వివాహం తాజాగా ఇటలీలోని లేక్‌కోమోలో రెండు రోజుల క్రితం జరిగిన విషయం తెల్సిందే. న‌వంబ‌ర్ 14వ తేదీన కొంక‌ణి వివాహ ప‌ద్ద‌తిలో వీరి పెళ్లి వేడుక జ‌రుగ‌గా, 15న సింధీ సంప్ర‌దాయం ప్ర‌కారం జ‌రిగింది. తమ పెళ్లికి సంబంధించి ఏ ఒక్క ఫోటో కూడా బ‌య‌ట‌కి రాకుండా చాలా సీక్రెట్‌గా వీరి వివాహం జ‌రిగింది.
నూత‌న దంపతులు ఇద్ద‌రు బంగారు వర్ణపు దుస్తుల్లో మెర‌వ‌డం విశేషం. ఈ నెల 21వ తేదీన బెంగళూరులో, 28వ తేదీన ముంబైలో వివాహ విందును ఏర్పాటు చేయనున్నారు. ఆ తర్వాత ఎప్పటిలా తమ సినీ కెరీర్‌పై దృష్టిసారించనున్నారు.
