''ఒక మనసు'' సినిమా ద్వారా వెండితెరకు పరిచయమైన మెగా హీరోయిన్ నిహారిక. సినిమాల్లో మెగా హీరోయిన్ కనిపించకూడదంటూ ఎన్ని అవరోధాలొచ్చినా.. హీరోయిన్‌గా రాణిస్తానని తెరంగేట్రం చేసిన నిహారికకు ఒక మనసు చేయూత నివ్వలేదు. వెబ్ సిరీస్, యాంకరింగ్‌ల ద్వారా మంచి పేరు కొట్టేసిన నిహారిక.. వెండితెరపై కూడా మంచి మార్కులేసుకోవాలని ఉవ్విళ్లూరుతోంది. అందుకే తొలి సినిమాకు తర్వాత రెండో సినిమాకు చాలా టైమ్ తీసుకుంది.
ఈ చిత్రంలో హీరోగా సుమంత్ అశ్విన్ నటిస్తుండగా, హీరోయిన్‌గా నిహారికను ఎంపిక చేశారు. అక్టోబర్ 4వ తేదీ నుంచి ఈ సినిమా సెట్స్ పైకి రానుంది. హ్యాపీ వెడ్డింగ్ అనే టైటిల్‌ను ఈ సినిమాకు ఖరారు చేయనున్నారు. రాకింగ్ సంగీత దర్శకుడు దేవీశ్రీ ప్రసాద్ ఈ చిత్రానికి మ్యూజిక్ అందిస్తున్నారు.
