ఈ సినిమాలో రవితేజ సరసన నటించే నటిని ఖరారు చేశారు మేకర్స్. ఈ క్రేజీ ప్రాజెక్ట్ కోసం బాలీవుడ్ నటి నూపూర్ సనన్ ను ఎంపిక‌చేశారు.. మంచి విద్యావంతుల కుటుంబం నుంచి వ‌చ్చిన ఆమె త‌న సోదరి కృతి సనన్ నే ఓ రోల్ మోడ‌ల్‌గా తీసుకుంది. అయినా ఆమె చిత్ర‌రంగంలోకి ప్ర‌వేశించ‌డానికి ముందు అనేక అడ్డంకులు ఎదుర్కొంది. ఈమె ఇప్పుడు తెలుగులో టైగర్ నాగేశ్వరరావుతో అరంగేట్రం చేస్తోంది. గతంలో అక్షయ్ కుమార్‌తో కలిసి మ్యూజిక్ వీడియోలో కనిపించిన నూపూర్‌కి ర‌వితేజతో చేస్తున్న మొదటి చిత్రం కావ‌డం విశేషం.
పవర్ ఫుల్ స్క్రిప్ట్ అందించిన వంశీ, ఈ సినిమాలో రవితేజను పూర్తిగా మాస్ లుక్‌లో చూపించ‌బోతున్నాడు. తెలుగు, తమిళం, కన్నడ, మలయాళం, హిందీ భాషల్లో రూపొందనుంది.
జివి ప్రకాష్ కుమార్ సంగీతం అందిస్తుండ‌గా, ఆర్ మదీ ఐఎస్‌సి సినిమాటోగ్రఫీని నిర్వ‌హిస్తున్నారు. అవినాష్ కొల్లా ప్రొడక్షన్ డిజైనర్ కాగా, శ్రీకాంత్ విస్సా డైలాగ్ రైటర్, మయాంక్ సింఘానియా సహ నిర్మాత.
