పద్మావతి సినిమా పద్మావత్‌గా మారింది. రాజ్‌పుత్ మహారాణుల గౌరవానికి భంగం కలిగించే సన్నివేశాలు ఇందులో వున్నాయని ఆందోళనలు వెల్లువెత్తాయి. అయితే ఈ సినిమా విడుదలకు రంగం సిద్ధమవుతోంది. ఆందోళ‌న‌ల కార‌ణంగా సినిమా విడుదలకు అంగీకారం తెల‌ప‌డం కోసం సీబీఎఫ్‌సీ చ‌రిత్ర‌కారుల స‌హాయం కూడా తీసుకుంది. వారి స‌ల‌హా మేర‌కు ఓ ఐదు మార్పులు చేసింది.
ఈ స‌వ‌ర‌ణ‌ల‌కు నిర్మాత‌లు ఒప్పుకుంటేనే సినిమా విడుదలకు అంగీక‌రించిన‌ట్లు సీబీఎఫ్‌సీ చైర్మ‌న్ ప్ర‌సూన్ జోషీ ఇటీవ‌ల ప్ర‌క‌టించారు. ఇందులో భాగంగా స్వల్ప మార్పులతో మరో నాలుగు సవరణలు సీబీఎఫ్‌సీ సూచించింది. ఈ సినిమా ప్రారంభంలో డిస్‌ క్లైమర్ ప్రదర్శించడం.. సతి ఆచారాన్ని ప్రోత్సహించేలా ఉండకూడదని పేర్కొన్నారు.
అలాగే ఘూమర్ పాటలు కొన్ని మార్పులు చేశారు. ఈ స‌వ‌ర‌ణ‌ల‌తో సినిమా ఇప్ప‌టికే విడుదకు సిద్ధం కాగా, పేరులో మార్పుతో ఉన్న చిత్రం ట్రైల‌ర్‌ను ఇటీవ‌ల విడుదల చేశారు. ఈ నేపథ్యంలో పద్మావత్ చిత్రం జనవరి 25న విడుదల చేయనున్నట్లు భన్సాలీ ప్రొడక్షన్స్ ప్రకటించింది. హిందీ, తమిళ్, తెలుగు భాషాల్లో విడుదల చేస్తున్నట్లు వెల్లడించింది.
