సంచలన దర్శకుడు రామ్ గోపాల్ వర్మ మరోసారి కాంట్రవర్సీతో ముందుకొచ్చాడు. సరిగ్గా ఈ ఏడాది సార్వత్రిక ఎన్నికలకు ముందు లక్ష్మీస్ ఎన్టీఆర్ చిత్రాన్ని తెరకెక్కించి ప్రకంపనలు రేపిన వర్మ తాజాగా ‘కమ్మ రాజ్యంలో కడప రెడ్లు’ అంటూ మరో సినిమాను తెరకెక్కించడానికి సిద్ధమైపోయాడు. ఈ సినిమా టైటిల్‌ సాంగ్‌‌ని ఇటీవలే రిలీజ్ చేసిన వర్మ మెగాస్టార్ చిరంజీవి పుట్టినరోజు సందర్భంగా పవన్ కళ్యాణ్‌కు షాక్ ఇచ్చారు.
‘కమ్మ రాజ్యంలో కడప రెడ్లు’ అనే సినిమాలో ఈయన ఎవరి క్యారెక్టర్ చేస్తున్నారో గెస్ చేయండి అంటూ పవన్ పోలికలతో ఉన్న నటుడి ఫోటో ట్వీట్ చేసి పెద్ద చర్చకు దారి తీసాడు. సరిగ్గా పవన్ కళ్యాణ్‌ను పోలిన మనిషి ఫోటోను ట్వీట్ చేసి పెద్ద వివాదానికి తెరలేపాడు. ఈ ఫోటోను కాస్తంత దూరం నుంచి చూసిన వారు ఎవరైనా అది పవన్ కళ్యాణ్ అనుకుంటారు.
