శ్రీ తిరుమ‌ల తిరుప‌తి వెంక‌టేశ్వ‌ర ఫిలింస్ ప‌తాకంపై చదలవాడ ప‌ద్మావ‌తి అందిస్తున్న మరో సినిమా పిల్ల రాక్షసి. ఇదే బ్యానర్‌లో బంపర్ హిట్ అయిన.. సూపర్ కలెక్షన్స్ సాధించిపెట్టిన బిచ్చగాడు సినిమాను ఎవరూ మరిచిపోరు. అదే బేనర్‌లో ఓ ఫ్రాడ్‌స్ట‌ర్‌తో చిన్నారి చేసిన సావాసం ఎలాంటి ప‌రిణామాల‌కు దారి తీసింద‌నే కాన్సెప్ట్‌తో మలయాళంలో హిట్ అయిన ఆన్ మరియ కలిప్పిలాను చిత్రాన్ని తెలుగులో పిల్ల రాక్షసి పేరుతో రిలీజ్ చేసేందుకు రంగం సిద్ధమవుతోంది.
బిచ్చగాడుకి మాటలందించిన రచయిత భాషా శ్రీనే పిల్ల రాక్షసికి కూడా మాటలు ఇస్తున్నారు. ప్రస్తుతం ఈ సినిమాకు సంబంధించిన డబ్బింగ్ కార్యక్రమాలు జరుగుతున్నారు. దీపావళికి సినిమా రిలీజ్ కానుంది. ఈ చిత్రంలో నిత్యామీనన్ నటించిన ఓకే బంగారం ఫేం దుల్కర్ స‌ల్మాన్ ఓ ముఖ్య అతిథిగా కనిపించనుండగా, సారా అర్జున్‌ టైటిల్ పాత్ర‌లో న‌టించింది. స‌న్ని వాయ్‌నే, అజు వ‌ర్గీస్ ఇత‌ర ప్ర‌ధాన పాత్ర‌లు పోషించారు.
