దర్శకుడు మణిరత్నంను కలిసిన తర్వాత మడోన్నా సెబాస్టియన్ ఒక సెల్ఫీ దిగి తన సోషల్ మీడియాలో షేర్ చేయడంతో పాటుగా ఈ రోజు నేను చాలా ఎక్సైటెడ్‌గా ఉన్నాను. నేను ఏమీ మాట్లాడలేను కానీ ఈ ఫొటో మాట్లాడుతుంది. నా మనసును, గుండెను అద్భుతమైన సినిమా వెంటాడుతోందంటూ షేర్ చేసారు.
కానీ మణిరత్నంను కలవడానికి గల కారణం మాత్రం చెప్పలేదు. మణిరత్నం క్యాంప్ కూడా ఈ విషయాన్ని ధృవీకరించలేదు. ఈ చిత్రంలో నటించే నటీనటుల గురించి ఎలాంటి అధికారిక ధృవీకరణలు లేకపోయినప్పటికీ విక్రమ్, జయం రవి, ఐశ్వర్యరాయ్ బచ్చన్, మోహన్ బాబు, అనుష్కశెట్టి, అమలా పాల్ నటిస్తున్నట్టు వార్తలు వస్తున్నాయి. చోళ సామ్రాజ్యపు కథా నేపథ్యంగా ఈ సినిమా తెరకెక్కుతున్నది.
