టాప్ హీరోలతో నటించిన రకుల్ ప్రీత్ సింగ్ పవన్ స్టార్ పవన్ కల్యాణ్‌పై మనసు పడింది. పవన్‌తో ఇప్పదిదాకా కలిసి నటించని ఈ ముద్దుగుమ్మ.. మంచి ఛాన్స్ వస్తే వదిలిపెట్టేది లేదంటోంది. ఇటీవలే తనకు పవన్ కళ్యాణ్ సరసన నటించాలని ఉన్నట్లు తెలిపింది. రకుల్ చిత్రం రారండోయ్ వేడుక చూద్దాం చిత్రం ఘన విజయం దిశగా దూసుకెళ్తున్నది.
ఈ చిత్రంలో రకుల్ పోషించిన భ్రమరాంబ పాత్రకు ప్రశంసలు లభించాయి. టాలీవుడ్‌లో యువ హీరోలతోపాటు, టాప్ హీరోలతో నటించే ఛాన్స్ కొట్టేసింది. ప్రస్తుతం మహేశ్ బాబుతో స్పైడర్ చిత్రంలో నటిస్తున్నది. అయితే ఈ బ్యూటీకి ఓ తీరని కోరిక ఏంటంటే? పవన్‌తో నటించలేదనేదే. పవన్ కల్యాణ్‌తో నటించే అవకాశం కోసం తాను ఎదురుచూస్తున్నట్లు స్వయంగా రకులే చెప్పింది.
ఇకపోతే రకుల్ ప్రీస్ సింగ్ బుధవారం హైద‌రాబాద్‌లోని బేగంపేటలో సందడి చేసింది. ఫిల్మ్ఫేర్ నిర్వహించిన సెలబ్రిటీ మీట్‌ అండ్‌ గ్రీట్ ప్రోగ్రాంలో పాల్గొని ఆమె అభిమానుల‌తో ఫొటోలు దిగింది. ఈ సంద‌ర్భంగా అభిమానులు అడిగిన ప్ర‌శ్న‌ల‌కు ఆమె స‌మాధానాలు ఇచ్చింది. త్వరలో జరగనున్న ఫిల్మ్ఫేర్ వేడుక‌లో తన డ్యాన్స్ ఉంటుంద‌ని చెప్పింది.
