వివాదాస్పద నటి శ్రీరెడ్డి మళ్లీ లైన్లోకి వచ్చేసింది. టాప్ హీరోలపై ఆరోపణాస్త్రాలు సంధిస్తూ ముందుకు దూసుకెళ్తోంది. నిన్న నేచురల్ స్టార్ నానిపై బూతుపురాణం లగించుకున్న శ్రీరెడ్డి.. ఈరోజు బిగ్ బాస్ మూడో సీజన్‌పై పడింది. తాజాగా బిగ్ బాస్ షోను టార్గెట్ చేస్తూ కామెంట్లు చేసింది. తెలుగు బిగ్ బాస్ షో తనకు అస్సలు ఇష్టం లేదని చెప్పేసింది.
''శ్వేతారెడ్డి గారూ.. మీ దెబ్బకి బిగ్ బాస్ తెలుగు అట్టర్ ఫ్లాప్ అయింది.. నాకు కూడా తమిళ బిగ్ బాస్ బాగా నచ్చింది కానీ తెలుగు కాదు.. నా సపోర్ట్ మీకే" అంటూ శ్రీరెడ్డి పోస్టు చేసింది. అంతేగాకుండా శ్వేతా రెడ్డితో గతంలో కలిసి దిగిన ఫోటోను షేర్ చేసింది. దీనికి రెడ్డి పవర్ అనే క్యాప్షన్ పెట్టడం మరింత వివాదాస్పదంగా మారింది. ఇక అక్కడితో ఆగకుండా వైల్డ్ కార్డ్ ఎంట్రీతో బిగ్ బాస్ హౌస్‌లోకి ఎంట్రీ ఇచ్చిన తమన్నాపై కూడా శ్రీరెడ్డి కామెంట్స్ చేసింది.
