బుల్లితెరలో ప్రసారమయ్యే 'జబర్దస్త్' కార్యక్రమం ఎంతో విజయవంతంగా చాలాకాలంగా మొదటిస్థానంలో ఉంది. ఈ కార్యక్రమం వలన బాగా ఫేమస్ అయినవారిలో సుడిగాలి సుధీర్ పేరు ప్రత్యేకంగా చెప్పుకోవాలి. వేణు టీంలో కంటెస్టెంట్‌గా చేరి, క్రమంగా టీమ్ లీడర్ స్థాయికి ఎదిగిన సుధీర్ తన స్నేహితులైన రాంప్రసాద్, శీనులతో కలిసి ఎన్నో స్కిట్‌లు చేసి ప్రేక్షకులను కడుపుబ్బా నవ్వించాడు. ఈ కార్యక్రమంతో పాటుగా మరికొన్ని షోలకు కూడా యాంకర్‌గా వ్యవహరిస్తూ బిజీ అయిపోయాడు.
వీరి స్కిట్ కోసమే ప్రేక్షకులు ఎదురుచూసే సందర్భాలు కూడా ఎన్నో ఉన్నాయి. సుధీర్ అభినయం, శీను గెటప్‌లు, రాంప్రసాద్ ఆటో పంచ్‌లతో బుల్లితెరలోనే కాదు, యూట్యూబ్‌లో కూడా సంచలనం సృష్టిస్తోంది సుడిగాలి సుధీర్ టీం. గతవారం టెలికాస్ట్ అయిన సుడిగాలి సుధీర్ టీం స్కిట్ చూస్తే పొట్ట చెక్కలవ్వాల్సిందే.
మూడు జనరేషన్‌లుగా వచ్చిన ఈ ముగ్గురూ స్వాతిముత్యం కమల్ హాసన్ ఆహార్యంతో చిన్నప్పుడే ఒకరి నుండి మరొకరు తప్పిపోయినట్లు చెపుతూ, మధ్యలో మూగ వాచ్‌మెన్ వారి మధ్య ఉన్న బంధాన్ని చెప్పడానికి ట్రై చేస్తూ హాస్యం పండించారు. ఇది 4 మిలియన్ వ్యూస్‌ను చేరువలో ఉందట. నిజంగా సుధీర్ సుడిగాలి యూట్యూబ్‌లో కూడా చుట్టేస్తోంది మరి.
