టాలీవుడ్ మెగాస్టార్ చిరంజీవి నటించిన తాజా చిత్రం సైరా. ఈ చిత్రానికి సంబంధించి చిత్ర యూనిట్ ఈనెల 20వ తేదీన మూవీ టీజర్‌ను విడుదల చేసారు. ఈ టీజర్ తెలుగు, తమిళ, కన్నడ, మలయాళ భాషలతో పాటు హిందీలో కూడా విడుదలైంది. తెలుగులో ఇప్పటికే 8.4 మిలియన్ వ్యూస్‌తో దూసుకుపోతున్న ఈ టీజర్ కన్నడంలోనూ సంచలనాలు సృష్టిస్తోంది.
కన్నడంలో సైరా టీజర్ ఇప్పటి వరకు 3.8 మిలియన్ వ్యూస్‌ను సొంతం చేసుకోగా, కన్నడ స్టార్ హీరో కిచ్చ సుదీప్ నటించిన పహిల్వాన్ టీజర్ 24 గంటల్లో 2.4 మిలియన్ వ్యూస్ సాధించి మొదటి స్థానంలో ఉంది. ఇప్పుడు ఈ రికార్డ్‌ను మెగాస్టార్ అలవోకగా దాటేసారు. టీజర్‌తో అభిమానులను సంభ్రమాశ్చర్యాలకు గురిచేసాడు చిరు.
